- آلامنا من واقع الحال تنبي
- انّ الهوى ما له علاج وبراتي
- يقولوا انّ آخر علاجاته الكيّ
- طيّب واذا ما فاد، ويش السواتي؟
- أنا ادري انّه غير ما له ولا زَيّ
- وانا ادري انّه يا حلاته، حلاتي
- أصفى من الصافي ومن بارد الميّ
- النيل يشهد له ونهر الفراتي
- اللي يقول اصبر دقايق وانا جيّ
- ثم(ن) يقول الظرْف ما هو مواتي
- بلوى، وانا قدني بليّاه مبليّ
- أرجيه لكن ما يقدّر رجاتي
- أشتاق له، والحال باقي كما هي
- ما فات حيّ، وليت ما فات ماتي
- أخاف يدفنّي غرامه وانا حي
- واخاف يحرمني حياتي حياتي