أنا عطيتك فوق حجمك زيادة

أكيد يشفع لك غرورك وخبرتْك

وأْكيد عندك في غرورك ريادة

دنياك لو جابت لك المال واثرتْك

لا تحسب انّ المال يعطي سيادة

حلْمي وطيْبة قلبي انْ كانها اغرتْك

أحيان بعض الطيْب يلزم حياده

أنت الذي حطّمتها فوق صخرتْك

الهجر عوّد نفسك على اعتياده

وانت الذي غيّرت هرجك ونبرتْك

وانا الذي صعب(ن) عليك انقياده

إْبعد بعيد هناك’ خَلّك لعثرتْك

ما عاد ينفع للقتيل العيادة

لا تحسب انّ القلب يخضع لقُدرتْك

والصيد ما هو صيد قبل اصطياده

نصيحتي وفّر كلامك وهذرتْك

دامك زرعت الكيْد تلقى كيادة

زمان تغريني دموعك وعَبْرتْك