• وش فيك؟ علّمني وش اللي مزعّلك؟

  • عليك يا راع الهوايل هوايل

  • تبغاني اجاوبك، من قبل ما اْسألك

  • المعركة تحتاج صايل وجايل

  • دنياك كم تلهيك عنّا وتشغلك

  • اوهام حطّت لك على القلب حايل

  • انت الذي قاطعتني يوم اواصلك

  • مجبور.. تدري ليش؟ ما نيب قايل!!

  • ليتك تحمَّلني مثل ما اتحمَّلك

  • من قبل ما نبحث لنا عن بدايل

  • يا مرخص الغالي تعبنا نجاملك

  • ما نالنا من طولة البال طايل

  • تطلب نقول ابشر نلبّي مسايلك

  • هذي طبيعتنا، عيال القبايل

  • وش غيّرك؟ واخرك وينه عن اوّلك؟

  • ما كان يرضى لك بغير الطوايل

  • واحنا بطيبة قلب كنّا نعاملك

  • مسموح ما نبغى تردّ الجمايل

  • لا ابغاك تتنازل ولا ارجي تنازلك

  • ما تثبت الحجّة بغير الدلائل

  • ما دامت الخطوة تشيلك وتنقلك

  • دربك وسيع وخاطري عنك مايل

  • روّح, تجاهلني مثل ما اتجاهلك

  • لا احباب ولا اصحاب ولا زمايل

See All 50 Episodes of "صالح الحوالي - قصائد وشيلات"