انّ الهوى ما له علاج وبراتي

يقولوا انّ آخر علاجاته الكيّ

طيّب واذا ما فاد، ويش السواتي؟

أنا ادري انّه غير ما له ولا زَيّ

وانا ادري انّه يا حلاته، حلاتي

أصفى من الصافي ومن بارد الميّ

النيل يشهد له ونهر الفراتي

كم له يقول اصبر دقايق وانا جيّ

ثم(ن) يقول الظرْف ما هو مواتي

بلوى، وانا قدني بليّاه مبليّ

أرجيه لكن ما يقدّر رجاتي

يا سيّدي والحال باقي كما هي

ما فات حيّ، وليت ما فات ماتي

أخاف يدفنّي غرامه وانا حي