الارض واهل الارض فيهم خِلّة

كُـلّن يقول ابشر بسعدك، لكن

وقت الله الله، ما معاك الا الله

حتى العيون اللي معك يتباكن

اللي تسح دموعها وتهلّه

تخفي عن الانظار حقد(ن) ماكن

يعلّها راعيّها وتعلّه

والصاحب اللي ما يحرّك ساكن

اللي تماهل قبل ما تمهل له

قلبه يغطيه السواد الداكن

ما فيه لا عُرْبة ولا له ملّة

الناس والاوقات والاماكن

تشهد على كثره وتشهد قلّه

يا اهل الوفاءْ، حيّاكم وحيّاكن

الواقع المشهود وش هو حلّه؟

كلّن يقول ابشر بسعدك، لكن