Vondoag läs wie en Markus 13:14-23, wua Jesus wieda rät to siene Jinja wäajen daut Enj. Hee rät dit mol besondasch von woo schrakjlich daut woat sennen en dee Doag. Oba hee rät uk von Gott siene Jnod, un woo Gott om de utjewälde äat haulwen dee Doag vekjartren deit, om daut see nich woaren vekomen. Hee rät uk von de Menschen waut woaren sajen, daut de Christus es trigj jekomen, un Menschen han un häa locken no veschiedne faulsche Profeeten un Christussen; oba, hee sajcht to siene Jinja, daut see sellen sikj nich veleiden loten, wiels hee haft an verhäa jesajcht woo daut woat sennen. Doawäajen kjenn wie ons opp am veloten, un wan hee ieescht trigj kjemt, woa wie nich twiewlen doaräwa. Daut woat gaunz kloa sennen, daut kjeena daut vemissen kaun.