Vondoag läs wie en Markus 12:35-37, wua Jesus stalt de Menschen eene Froag väa. Veschiedne Menschen haben am aul miere Dinja jefroacht, om am en siene Räd proowen fausttokjrieen, oba Jesus haft jiedats mol eene weise Auntwuat. Nu frajcht Jesus eene Froag, un doa es kjeena waut am kaun eene Auntwuat jäwen, wiels see haben nich de Weisheit waut Jesus haft. Oba siene Froag es mea aus bloos Menschen proowen stell to moaken; dise Froag sajcht ons eene Woarheit wäajen Jesus selfst. Jesus staumd von David. Hee es David sien Sän un uk sien Har; Jesus es de Auntwuat to siene Froag.