Repòtaj Kay Vwazen nan Kiba: Rapò sou 14yèm Festival Kiba-Kreyòl la; Repòtaj Kay Vwazen nan Repiblik Dominikèn; Sispansyon "Program Biden" nan; "Lòbi Israel la fese do Depite Meriken Nwa Cori Bush atè; Liy ouvè ak oditè yo ...

---

Entwo

Nou salye fanmi k ap koute yo

Nou remèsye oditè yo ki sipòte emisyon an epi nou ankouraje yo kontinye kenbe men ak emisyon Eritye Papa Desalin

Repòtaj Kay Vwazen nan Kiba ak frè nou Hilario Batista; Yon lòt fwa ankò nou remèsye oditè yo ki te pote kole nan konbit pou Festival Kiba-Kreyòl la

Gouvènman Meriken an anonse li mete yon kanpo sou "Pwogram Biden" nan akoz fwod moun k ap fè aplikasyon yo fè nan sistèm nan

Nouvèl:
-Apre Cynthia Mckinney, Jamaal Bowman, lòbi Israel la reyisi mete do Cori Bush, yon lòt depite Meriken Nwa ki pa deside mache nan lojik tout pou Israel la atè; Ki lè kominote nou an ap gen kapasite ak kouraj pou nou egzije politisyen lokal yo respekte enterè kominote nou an

Pawòl k ap fè bri nan kominote a se lajan Michel Martelly ap gaspiye nan kominote a pou l ka retounen vin ouvè kò l nan Labor Day sou Eastern Parkway; Tanpri rele 3 lidè "Ayisyen" yo nan City Council la epi mande yo pou yo pran mikro yo pou yo di PIBLIKMAN sa yo di nan sa:
-Mercedes Narcisse: 718-241-9330-Rita Joseph: 718-287-8762-Farah Louis: 718-629-2900 Liy ouvè ak oditè yo