nikiskisin nîtisânak, nisîmisipan Patrick ikwa nistîs Obie…ispî kâ-kî-oskinîkîsiyâhk. nikî-nâcinihtîhânân mâna î-mwayî-kâwi-nitawi-ayamihcikîyâhk kistapinânihk. kâ-kîkisîpâyâk mâna nikî-sipwîcimânân î-nitawi-nikohtîyâhk natamihk nîkinâhk ohci. î-nistiyâhk poko, namwâc nohtâwîpaninân nikî-cîmikonân. ikwâni mâna kapî-kîsik ikotî nikî-nikohtânân. kâ-otâkosik mâna nikî-kîwîcimânân, mihta î-pôsihtâyâhk cîmânihk. ikosi tahto-kîsikâw nikî-itahkamikisinân. mitoni î-kî-câhkastâyâhk mihta î-mwayî-sipwîhtîyâhk. nikî-sôhki-atoskîhikonân mâna nohtâwîpaninân…iyiko îtokî ohci kâ-kî-pî-nihtâ-atoskîyâhk. ᓂᑭᐢᑭᓯᐣ ᓃᑎᓵᓇᐠ, ᓂᓰᒥᓯᐸᐣ Patrick ᐃᑿ ᓂᐢᑏᐢ Obie…ᐃᐢᐲ […]