༡༽ སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བཀའ་ཤག་སྐབས་བཅུ་དྲུག་པའི་དཔལ་ལྡན་སྲིད་སྐྱོང་དང་བཀའ་བློན་རྣམ་པར་མཇལ་ཁ་སྩལ་བ།༢༽ ཨ་རིའི་རང་བཙན་ཐོབ་པའི་དུས་སྟོན་སྲུང་བརྩིའི་མཛད་སྒོར་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་མཆོག་དང་ཕྱི་དྲིལ་བཀའ་བློན་མཆོག་རྣམ་གཉིས་གདན་ཞུས་ལྟར་ཕེབས་ཞུགས་གནང་བ།༣༽ ལས་བྱེད་འདེམས་བསྐོ་ལྷན་ཁང་ནས་ཉིན་གྲངས་བཅུའི་རིང་བོད་མིའི་སྒྲིག་འཛུགས་ཀྱི་ལས་བྱེད་རྒན་པ་ཁག་ཅིག་ལ་འགོ་ཁྲིད་ནུས་སྤེལ་གྱི་ཟབ་སྦྱོང་གོ་སྒྲིག་གནང་བ།༤༽ དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་ཨ་རིའི་གྲོས་ཚོགས་འཐུས་མི་ཟུར་པ་སྐུ་ཞབས་བཱར་ནཱི་ཕརེངྐ་ལགས་འདས་གྲོངས་སུ་གྱུར་བར་ཐུགས་གསོ་གནང་བ།