သတင်းထုတ်လွှင့်ချက် - ( EP - 82 )
ဇန်နဝါရီလ ၂၄ ရက်၊ ၂၀၂၃ ခုနှစ်။
တင်ဆက်ပေးမယ့် သတင်းတွေကတော့ ---- KIO ထိန်းချုပ်နယ်မြေထဲက မိုင်ဂျာယန်ကောလိပ်မှာ ဘာသာရပ် ၃ ခု တိုးချဲ့ သင်ကြားသွားမယ်လို့ ဆိုပါတယ်။ မောင်းမကန်ဘက်မှာ PDF အယောင်ဆောင်ပြီး ဖုန်းကနေ ငွေတောင်းခံတာတွေ လုပ်နေတာနဲ့ ဧရာဝတီတိုင်းထဲက ဂဏာန်းပျော့လုပ်ငန်း ရပ်တည်ရေး အခက်ကြုံနေရပါတယ်။
ဒါ့အပြင် စစ်ကောင်စီခန့် တိုင်းဝန်ကြီးချုပ်က USDP အတွက် မဲဆွယ်နေတယ်လို့ ဧရာဝတီတိုင်းထဲက ဒေသခံတွေက ပြောဆိုထားတဲ့ သတင်းနဲ့ ရွေးကောက်ပွဲအတွက် လူဦးရေစာရင်း ပြုစုတဲ့ ထွေအုပ်ရုံး တိုက်ခိုက်ခံရပြီး စစ်သား ၃ ယောက် ဒဏ်ရာရရှိခဲ့ပါတယ်။
သတင်းပေးပို့ချက်တွေ ထဲမှာတော့ ကယား(ကရင်နီ) ပြည်နယ်၊ ဒီးမော့ဆိုမြို့နယ်ထဲ စစ်ကောင်စီတပ်က လက်နက်ကြီးတွေနဲ့ ရမ်းသန်း ပစ်ခတ်မှုတွေကြောင့် အရပ်သားတွေ ထိခိုက်ဒဏ်ရာ ရရှိခဲ့တဲ့ အကြောင်းတွေကို နားဆင်ရမှာပါ။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။