သတင်းထုတ်လွှင့်ချက် - ( EP - 261)
မတ်လ ၃၁ ရက်၊ ၂၀၂၄ ခုနှစ်။
တင်ဆက်ပေးမယ့် သတင်းတွေကတော့ ---- ကရင်နီပြည်ကတစ်လေးလုံး စစ်ဆင်ရေးနောက် ပိုင်းမှာ စစ်ကောင်စီတပ်ဖွဲ့တွေဟာ တပ်ရင်းထဲမှာပဲ ခံစစ်အနေအထားနဲ့အခိုင်အမာပြင်ဆင်ထားတယ်လို့ ကရင်နီစစ်ရေးသတင်းအရင်းမြစ်ကပြောပါတယ်။
ဆီဆီဆိုင်မြို့ထဲမှာ စစ်ကောင်စီတပ်က လူထုတွေကို လူသားဒိုင်းကာ လုပ်ထားတဲ့အ တွက် တိုက်ခိုက်တာတွေကို မပြုလုပ်ကြဖို့ ပအို့ဝ်အမျိုးသားလွတ်မြောက်ရေး တပ်မတော် PNLAထုတ်ပြန်ပြောဆိုလိုက်ပါတယ်။
မွန်လူမျိုးတွေနဲ့ မွန်ဒေသထဲမှာ နေထိုင်နေကြတဲ့ ပြည်သူတွေကို အကာအကွယ်ပေးဖို့နဲ့ မွန်လူမျိုးတွေရဲ့ကြမ္မာကို ဖန်တီးနိုင်ရေးအတွက် အဆုံးတိုင် တိုက်ပွဲဝင်သွားမယ်လို့ မွန်ပြည်သစ်ပါတီ ( အာဏာရှင် တိုက် ဖျက်ရေး ) အဖွဲ့ က ပြောပါတယ်။
တနင်္သာရီတိုင်း၊ ပုလောမြို့နယ်၊ ရှပ်ပုံကျေးရွာထဲကို လက်နက်ကြီးကျည် ကျရောက်ပေါက်ကွဲခဲ့တဲ့အတွက် ဒေသခံ အမျိုးသမီး ၂ ယောက် ထိခိုက်ဒဏ်ရာ ရရှိခဲ့ပါတယ်။
သတင်းပေးပို့ချက်ထဲမှာတော့ ကချင်ပြည်နယ်က စခန်းသိမ်းတိုက်ပွဲ အကြောင်းကိုနားဆင်ရဖို့ရှိပါတယ်။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။