သတင်းထုတ်လွှင့်ချက် - ( EP - 260)
မတ်လ ၃၁ ရက်၊ ၂၀၂၄ ခုနှစ်။
တင်ဆက်ပေးမယ့် သတင်းတွေကတော့ --- မိုးကောင်းမှာလူငယ်နှစ်ယောက်စကားများရာ ကနေ ဦးလေးတော်စပ်သူ ပြည်သူ့စစ်အဖွဲ့ဝင် တစ်ယောက် ကသေနတ်နဲ့ပစ်ခတ်လို့ လူငယ်တစ်ယောက် သေဆုံးခဲ့ပါတယ်။
မူဆယ်မြိုနယ်ထဲက အွန်လိုင်းကျားဖြန့်လုပ်ကိုင်တဲ့ နေရာတွေကို စစ်ကောင်စီတပ်ကဝင်ရောက်စီးနင်းခဲ့ပြီး မြန်မာနိုင်ငံသား ၄၀၀ ဝန်းကျင်နဲ့ တရုတ်နိုင်ငံသား ၂၇၀ ကျော်ထိန်းသိမ်းခံထားရတယ်လို မူဆယ်ဒေသခံ တွေ ကပြောပါတယ်။
မြိတ်ခရိုင်၊ ကျွန်းစုမြို့နယ်မှာ စစ်ကောင်စီတပ်နဲ့ ပြည်သူ့ကာကွယ်ရေး ပူးပေါင်းတပ်ဖွဲ့တို့ကြားတစ်ရက်တည်း တိုက်ပွဲ သုံးနေရာ ဖြစ်ပွားခဲ့ပြီး ပျူစောထီး ၄ ယောက် သေဆုံးခဲ့ပါတယ်။
တနင်္သာရီမြို့နယ်၊ လယ်တောင်ယာကျေးရွာမှာ စစ်ကောင်စီတပ်က ပစ်ခတ်လိုက်တဲ့လက်နက်ကြီးကျည်ကျရောက်ပေါက်ကွဲမှုကြောင့် အမျိုးသမီးတစ်ယောက် သေဆုံးသွားပါတယ်။ KIA နဲ့ ပူးပေါင်းတပ်တွေက စစ်ကောင်စီတပ် စခန်းတွေ ဘယ်လောက်သိမ်းထားနိုင်ပြီလဲ။ ဘယ်စခန်းတွေကို သိမ်းယူ ထားနိုင်ပြီလဲ စတဲ့အကြောင်းတွေကို သတင်းပေးပို့ချက်ထဲမှာတော့ကြားကြရမှာပါ။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။