သတင်းထုတ်လွှင့်ချက် - ( EP - 259)
KIO သတင်းနှင့် ပြန်ကြားရေး တာဝန်ခံ ဗိုလ်မှူးကြီး နော်ဘူနဲ့ ဆက်သွယ်မေးမြန်းချက်
ကချင်ပြည်၊ မြစ်ကြီးနား-ဗန်းမော်-လွယ်ဂျယ် လမ်းတလျှောက်က စစ်ကောင်စီရဲ့ အရေးကြီးတဲ့ တပ် စခန်းတွေကို ကချင် လွတ်လပ်ရေးတပ် KIA နဲ့ ပူးပေါင်းအဖွဲ့တွေက သိမ်းယူထားနိုင်ပြီဖြစ်ပါတယ်။ မတ်လ ၇ ရက်နေ့ကနေ ဒီနေ့အချိန်ထိ စခန်းပေါင်း ၅၀ ကျော်ကို KIA နဲ့ ပူးပေါင်းအဖွဲ့တွေက သိမ်းယူထားပြီး ဖြစ်ပါ တယ်။ ဒါ့အပြင် လွယ်ဂျယ်မှာလည်း စစ်ရေးအခြေအနေတွေက တင်းမာနေတယ်လို့ ဒေသခံတွေက ပြောပါ တယ်။ သိမ်းယူထားတဲ့ စခန်းတွေက ဘယ်လောက်ထိ အရေးပါလဲ၊ မြေပြင်က စစ်ရေးအခြေအနေတွေက ဘယ်လိုရှိနေလဲ သတင်းနှင့်မီဒီယာ ကွန်ရက် သတင်းဌာနက ကိုစောဘွေးက KIO ရဲ့ သတင်းနှင့်ပြန်ကြားရေး တာဝန်ခံ ဗိုလ်မှူးကြီးနော်ဘူကို ဆက်သွယ်မေးမြန်းထားပါတယ်။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။