သတင်းထုတ်လွှင့်ချက် - ( EP - 209 )

နိုဝင်ဘာလ ၃၀ ရက်၊ ၂၀၂၃ ခုနှစ်။

တင်ဆက်ပေးမယ့် သတင်းတွေကတော့ ---- ရှမ်းပြည်နယ်မြောက်ပိုင်း၊ ကွတ်ခိုင်မြို့နယ်ထဲက တုံဆင်လေးရွာမှာ လက်နက်ကြီးကျည် ကျ ရောက်ပေါက်ကွဲ ခဲ့လို့ ကလေးငယ် တစ်ယောက် အပါအဝင် မိသားစုဝင် သုံးယောက် သေဆုံးခဲ့တယ်လို့ ကွတ်ခိုင် ဒေသခံတွေက ပြောပါတယ်။

ရခိုင်ပြည်မှာ တိုက်ပွဲတွေ တကျော့ပြန်ဖြစ်ပြီးနောက် စစ်ကောင်စီက ကုန်းလမ်း၊ ရေလမ်းတွေကို ပိတ်ထားတဲ့ အတွက် ကုန်စည်စီးဆင်းမှု ရပ်တန့်သွားပြီး ဆန်တွေ ရှားပါးသွားတဲ့အတွက် တချို့မြို့နယ်တွေမှာ ထမင်းမစားရ တဲ့ သူတွေတောင် ရှိနေကြပါတယ်။ ထားဝယ်ခရိုင် သရက်ချောင်းမြို့နယ် သိမ်ကုန်းကျေးရွာ ရေတံခွန်အနီး ခရီးတစ်ထောက် နားနေတဲ့ စစ်ကောင်စီရဲ့ ခြေလျင်စစ်ကြောင်း တိုက်ခိုက်ခံရပြီး ထိခိုက်မှုတွေ ရှိခဲ့တယ်လို့ ရွာသားတွေက ပြောပါတယ်။

သတင်းပေးပို့ချက်ထဲမှာတော့ ပင်းပက်သံမဏိစက်ရုံကို ပြန်လည်လည် ပတ်နိုင်ရေး စစ်ကောင်စီက ကြိုးပမ်း နေပြီး စမ်းသပ်လည်ပတ်မှု တွေလည်း စတင်နေတဲ့အတွက် ဒေသခံတွေ စိုးရိမ်နေကြတယ်ဆိုတာတွေကို ကြားကြရမှာပါ။

သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။