သတင်းထုတ်လွှင့်ချက် - ( EP - 183 )
စက်တင်ဘာလ ၃၀ ရက်၊ ၂၀၂၃ ခုနှစ်။
စစ်ကိုင်းတိုင်း မြင်းမူမြို့နယ် ခြေရာတော်ကျေးရွာအနီး စက်တင်ဘာလ ၂၂ ရက်နေ့ ည ၈ နာရီဝန်းကျင် အချိန်တွင် စစ်ကောင်စီတပ်က ပြည်သူ့ကာကွယ်ရေးတပ် (PDF) တပ်ဖွဲ့ဝင် ၂၆ ဦးကို အစုလိုက်အပြုံလိုက် သတ်ဖြတ်ခဲ့ သည်။
ယခုဖြစ်စဉ်မှာ မြင်းမူမြို့နယ်ထဲ PDF အများဆုံး သတ်ဖြတ်ခံရသော ဖြစ်စဉ်ဖြစ်ပြီး မြင်းမူမြို့နယ် ပြည်သူ့ကာ ကွယ်ရေးအဖွဲ့ (ပလဖ) က ၂ ဦး၊ မြင်းမူ Black Eagle အဖွဲ့က ၁၈ ဦး နှင့် မြောင်မြို့နယ် တော်လှန်ရေးတပ် (MRA) က ၆ ဦး အသတ်ခံခဲ့ရခြင်း ဖြစ်သည်။
၎င်းတို့ အသတ်ခံရပြီးနောက် ဒေသအတွင်း အခြေအနေက ဘာလိုရှိနေလဲ၊ သတ်ခံရပုံ အသေးစိတ် အခြေအနေက ဘယ်လိုလဲ၊ အဆိုပါ PDF တပ်ဖွဲ့ဝင်များကို သတ်သွားသည့် စစ်ကောင်စီ စစ်ကြောင်းကနေရာ ဘယ်ကို ရောက်နေလဲ စသည့် အကြောင်းအရာများကို မြောင်မြို့နယ်၊ ပြည်သူ့ကာကွယ်ရေးနှင့် လုံခြုံရေးအဖွဲ့ (CDSOM) က ကိုနွေဦးအား ဆက်သွယ်မေးမြန်းထားသည်။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။