သတင်းထုတ်လွှင့်ချက် - (EP - 312)
ဇူလိုင်လ ၃၀ ရက်၊ ၂၀၂၄ ခုနှစ်။
ရှမ်းလူ့အခွင့်အရေးမဏ္ဍိုင် SHRF ပြောရေးဆိုခွင့်ရှိသူ ယိင်းလျန်းဟန်နှင့် ဆက်သွယ်မေးမြန်းချက်
ဒီကနေ့မှာတော့ ဆက်သွယ်မေးမြန်းချက် တပုဒ်ကို တင်ဆက်ပေးထားပါတယ်။ ရှမ်းမြောက်ဒေသက ၁၀၂၇ စစ်ဆင်ရေး ဒုတိယပိုင်းအတွင်း ဒေသခံ ပြည်သူတချို့ မိမိတို့ရဲ့ နေရပ်မြို့တွေက နေ တိမ်းရှောင်သွားကြပြီး တချို့တွေက မြို့တွင်းမှာ ပိတ်မိနေဆဲ ဖြစ်တယ်လို့ ရှမ်းလူ့အခွင့်အရေး မဏ္ဍိုင်က ပြောပါတယ်။
အထူးသဖြင့် ကျောက်မဲမြို့နယ်အတွင်းက ဒေသခံ အများစုက တိုက်ပွဲကြားမှာ ပိတ်မိနေဆဲ ဖြစ်ပါတယ်။ လက်ရှိမှာ ပြည်သူအချင်းချင်းရဲ့ ကူညီမှုတွေနဲ့ပဲ ရပ်တည်နေကြရပြီး အခက်အခဲတွေ ရှိနေတဲ့အတွက် နိုင်ငံတ ကာ အနေနဲ့ အကူအညီပေးဖို့ တောင်းဆို SHRF က တောင်းဆိုထားပါတယ်။
၁၀၂၇ စစ်ဆင်ရေး ဒုတိယပိုင်း စတင်ချိန်ကနေ ဒီနေ့အချိန်ထိ ရှမ်းပြည်နယ် မြောက်ပိုင်းရှိ နောင်ချို၊ ကျောက်မဲ၊ သီပေါမြို့တို့မှာ စစ်ကောင်စီတပ်ရဲ့ လေကြောင်းမှ တိုက်ခိုက်မှု၊ လက်နက်ကြီး ပစ်ခတ်မှုတွေကြောင့် အရပ်သား ထိခိုက်သေဆုံးမှုတွေအပြင် အဆောက်အအုံပေါင်းများစွာ ထိမှန်ပျက်စီးကုန်ပါတယ်။
စစ်ရေး ပစ်မှတ်၊ အရပ်သား ပစ်မှတ် မခွဲခြားဘဲ အရပ်သား ပြည်သူတွေကို ဦးတည်တိုက်ခိုက်နေတဲ့ စစ်ကောင်စီ တပ်ကို အရေးယူ အပြစ်ပေးနိုင်တဲ့အထိ အကူအညီပေးကြဖို့ကိုလည်း ရှမ်းလူ့အခွင့်အရေး မဏ္ဍိုင် SHRF က နိုင်ငံတကာကို တောင်းဆိုထားပါတယ်။
SHRF ပြောရေးဆိုခွင့်ရှိသူ ယိင်းလျန်းဟန်ကို သတင်းနှင့်မီဒီယာကွန်ရက် သတင်းဌာနက မေက ဆက်သွယ် မေးမြန်းထားပါတယ်။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။