သတင်းထုတ်လွှင့်ချက် - ( EP - 43 )

ဩဂုတ်လ ၂၉ ရက်၊ ၂၀၂၂ ခုနှစ်။

ဒီနေ့မှာ တင်ဆက်ပေးမယ့် သတင်းတွေကတော့ ..... ထားဝယ်မှာတော့ စစ်တပ်ထဲဝင်ရပ် ကျပ်သိန်း ၂၀ ပေးမယ်ဆိုပြီး လူငယ်တွေကိုစည်းရုံးနေပါတယ်။

ဝါးခယ်မမှာတော့ ဖမ်းဆီးခံထားရတဲ့ ရိုဟင်ဂျာတွေရဲ့ စားသောက်ရေးကို မြို့ခံဗလီတွေကတာဝန်ယူပေးနေရတဲ့ သတင်းပါတယ်။

မွန်ပြည်နယ်အတွင်းရှိ မြို့နယ် တချို့မှာ တော်လှန်ရေး အမည်ခံပြီး ငွေတောင်းသူတွေ ရှိနေပါတယ်ဆိုတဲ့ သတင်းနဲ့ လူငယ် ၆ ယောက် ကို သံဖြူဇရပ် ရဲစခန်း ပစ်ခတ်မှုနဲ့ ပတ်သက်ပြီး စစ်ကောင်စီက အမှုဖွင့်လိုက်တဲ့ သတင်းတွေကိုနားဆင်ကြမှာပါ။

သတင်းလွှာတွေထဲမှာတော့ လားဟူဒီမိုကရက်တစ် အစည်းအရုံး LDU အနေနဲ့ စစ်ကောင်စီက ခေါ်ယူကျင်း ပတဲ့ ဒုတိယအကြိမ် ငြိမ်းချမ်းရေး ဆွေးနွေးပွဲကို တက်ရောက်ခဲ့တာဟာ လားဟူတစ်မျိုးသားလုံးကို သစ္စာ ဖောက်တာဖြစ်တယ်လို့ လားဟူ လူငယ်အဖွဲ့က ပြောဆိုလိုက်တဲ့အကြောင်းနဲ့ တခြား စိတ်ဝင်စားစရာကောင်းတဲ့ သတင်းပေးပို့ချက်တွေကို နားဆင်ရဖို့ရှိပါတယ်။

သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။