သတင်းထုတ်လွှင့်ချက် - ( EP - 44 )
ဩဂုတ်လ ၃၀ ရက်၊ ၂၀၂၂ ခုနှစ်။
ဒီနေ့မှာ တင်ဆက်ပေးမယ့် သတင်းတွေကတော့ ..... ရခိုင်အခြေစိုက် DMG သတင်းဌာနက သတင်းထောက်နှစ်ယောက်ကို စွဲဆိုထားတဲ့ ပုဒ်မတွေထဲက နိုင်ငံ တော်အကြည်ညိုပျက်စေမှု ပုဒ်မ ၅၀၅-က ကို စစ်တပ်က ပိတ်သိမ်းလိုက်ပါတယ်။ စစ်ကိုင်းမြို့နဲ့ မြင်းမူမြို့အစပ်မှာရှိတဲ့ ရွာတွေထဲက စစ်တပ်က နယ်မြေရှင်းလင်းရေးလုပ်ချိန် စစ်တပ်က ရွာတွေထဲမှာရှိတဲ့ နေအိမ်တွေကိုလည်း မီးရှို့ဖျက်ဆီးခဲ့တယ်လို့ ဒေသခံတွေက ပြောပါတယ်။
ဒါ့အပြင် ကရင်ပြည်နယ်၊ မြဝတီ - ဝေါ်လေ ကားလမ်းမ၊ စစ်ကောင်စီ တပ်ဖွဲ့တွေနဲ့ ကော်ဘရာစစ်ကြောင်း၊ Federal Wings Drone ပူးပေါင်းတပ်ဖွဲ့တို့ တိုက်ပွဲတွေဆက်ဖြစ်တဲ့အကြောင်းနဲ့ စစ်တပ်နဲ့ AA တို့အကြားက တိုက်ပွဲတွေကြောင့် ချင်းနဲ့ရခိုင်က ရွာသား ၂၀၀ နီးပါး ထပ်ပြီးထွက်ပြေး နေရပါတယ်။
သတင်းလွှာတွေထဲမှာတော့ ရှမ်းပြည်နယ် မြောက်ပိုင်း၊ နောင်ချိုမြို့နယ်၊ ဒိုးပင်ကျေးရွာအုပ်စုရှိ စစ်ဘေး ရှောင် ၆၀၀ ကျော်အတွက် စားနပ်ရိက္ခာအတွက် အကူအညီတွေ လိုအပ်နေအကြောင်း သတင်းပေးပို့ချက်နဲ့ ပအိုဝ်းကိုယ်ပိုင် အုပ်ချုပ်ခွင့်ရဒေသဖြစ်တဲ့ ဟိုပုံးမြို့မှာ ပအိုဝ်းပြည်သူ့စစ် (PNA/PNO) က ရှမ်းပြည်နယ် အခြေစိုက် မီဒီယာ ၈ ခုကို အကြမ်းဖက်မီဒီယာတွေဖြစ်တယ်လို့ ဝါဒဖြန့် နေတဲ့အကြောင်းတွေကို နားဆင်ကြ ရမှာပါ။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။