女友愛 CHIT CHAT (Girlfriends Love to Chit Chat): Recent Episodes
Esther & Jenny
一個住在香港的單身一族(Esther)，一個住在三藩市的在職媽媽(Jenny)，差不多每日都傾計，天南地北無所不談。
有一日忽發奇想，想將對話錄成Podcast，希望將日常生活經歷的趣事及探索點滴記錄下來，同身邊的人一齊笑下輕鬆分享。
希望透過呢個頻道，去更加認識身邊的人，去探索生活上更多的可能性。
原來一年有十三個情人節💌, 你哋知唔知? 每個月嘅十四號都有佢嘅主題,無論係單身定已訂終身,梗有一啲方法去慶祝下。你又有冇喺今年嘅情人節費盡心思,都唔知送乜嘢禮物🍫💐💝去同你嘅另一半表達愛意呢? Esther 同 Jenny今日會傾下唔同階段嘅relationship自己會送啲乜嘢。祝你哋日日都係情人節! 🤟👩❤️💋👨👩❤️💋👩🏳️🌈
今年嘅農曆新年你哋會點樣過? 今日我哋會講我哋細個點樣過年，辦年貨、行年宵💐🏮、食下嘢、拜下年，Jenny好留意人哋屋企個全盒放咩嘢食物，Esther 就幫嫲嫲手整蘿蔔糕。仲有好多賀年餸菜取名都好得意，夠竟入面有乜嘢材料?🤪
你一生中有冇遇過一啲對你有正面影響嘅mentors？佢係你嘅長輩？朋友？定係同事？ 一個願與你同行，又無私無條件咁支持你，同時係一個好好嘅聆聽者，唔會魯莽判斷你嘅情況，比你有充足空間慢慢成長，如果你真係搵到呢個咁好嘅同行人，你真係好lucky呀！
Esther 話 Jenny EQ 高，Jenny 反而覺得 Esther 嘅 EQ 仲高！而家大家都要面對好多難攪嘅事情，心情上上落落，小事當然一笑置之，但係有啲不能改變嘅事同轉變，我哋又點調整自己嘅心態去面對呢？
Work From Home 🏠 對好多人嚟講已經係新常態，有人全天候🕣🕚🕥喺屋企做嘢，有人會喺公司彈出又彈入屋企度開工。各施各法有苦😢有甜🙃。開緊會又會有個小朋友👶🏼喺後邊大嗌，真係乜都會發生，究竟我哋嘅理想工作模式係點樣？☕️🍰😎
暫時仲未去得旅行🗺️🏝️, 唯有發下夢先。開始計劃定去邊未算太早。你哋有冇旅行夢想💭💭呢? 今日Esther 同 Jenny 分享一啲印象深印嘅 trips. 一個人🙋♀️,一家人👪,同蜜友👭去旅行都有好唔同嘅經驗。你嚮往嘅經驗又係乜嘢呢?其實去邊真係冇咩所謂。重要嘅係同你愛❤️嘅人一齊。就算係隔離街都可以搵到好多驚喜。
今日係女友愛chit chat 2020年最後一集。 今年Esther 同 Jenny 都流咗好多眼淚😭。過程中一齊學習同成長。今集我哋會分享今年1️⃣件難過嘅事，2️⃣件開心感恩嘅事，同理3️⃣個各自對未來的展望🌈☀️。
Email: gfchitchat@gmail.com
諗起執屋🧹就頭痛😣，今次我哋分享自己有乜嘢方法搞掂佢。有啲嘢總係唔捨得掉！除咗會因為覺得掉嘢唗咗錢💸💸，仲有嗰啲物件點都對我哋有啲感情嘅🥲，咁點算好？有好多書或者片都有教人點樣斷捨離，我哋又從中學到啲乜嘢呢？🧐
千里送鵝毛, 物輕情意重🎁💝。要買禮物送比遠方嘅朋友, 有時郵費仲貴過件禮物。今集會講下我哋細個嗰陣嘅有乜嘢聖誕禮物，又會分享下我地喺疫情期間點樣買聖誕禮物, 仲會講下點慳郵費。Esther 會分享一個出哂汗🌞🏝️嘅聖誕節假期。
疫情又嚴重咗, 留喺屋企上網買嘢已經習慣啦。感恩節過後, Black Friday Cyber Monday 周圍大減價。今日我哋傾呢幾日買咗啲乜嘢💸👻? 平時喺唔會買嘅呢? Online vs offline, 上網有上網嘅方便, 但係都係代替唔到同良朋知己行街街買嘢嘅。🛒
今日我哋傾吓感恩節🙏聚餐嘅菜單📑有乜嘢豐富菜式 😋。除咗大大隻嘅火雞🦃, 美國人, 猶太人, 中國人會食啲乜嘢呢? 感恩節除咗慶祝收成🌾👨🌾👩🌾之外, 原來背後有一個黑色嘅一面😱。原來幸福不是必然，其實每日都有我哋值得感恩嘅事🥰。Thank you Thank you 多講唔會懨多。
其實打邊爐真係好有人情味💞。同屋企人同朋友一邊傾計一邊烚下烚下好暖胃好暖心👍🏻👍。一窩清湯慢慢變濃, 就好似人同人嘅關係, 一齊經歷唔同嘅事, 就好似窩入面好豐富嘅材料配料咁。打邊爐亦可以係一個人嘅浪漫, 港式, 台式, 日式, 歐美式, 各有各特色。⭐⭐⭐⭐⭐🤩🤩。
玩遊戲是一種體驗。除了攪氣氛, 娛樂同大笑😀😀一餐, 小朋友同大人都會玩一啲遊戲嚟認識朋友或者增進感情。你仲記唔記得收買佬🧦👟,估領袖👸🤴,或者跳像筋繩➰呢啲經典集體遊戲呀！🥳🥳🥳
七八十年代長大嘅我哋👧👩，生活好簡單，娛樂唔洗網絡，又唔洗成日义電。無論自己玩或者同朋友仔👨👧👦一齊玩，我哋當時流行嘅玩具🪀🤖🧸雖然簡單但其實很有趣，亦有好多空間比我哋發揮自己嘅創意。你自己又有冇咁玩過呢?
九十年代資訊通訊☎️未發達，一個去東🇹🇼一個去西🇺🇲去讀書學獨立。兩個懞查查，驚到震🥶🥶。面對住陌生嘅環境，我哋又點樣融入? 過程入面有遇人不淑🤨，也有遇到好人😇。每個經驗都係一個學習嘅機會。深呼吸行出去，路就慢慢行出嚟😊😊。
適逢十月二十日國際樹懒日,我哋都想學下佢嘅慢活。Esther 的 staycation🍹 又過成點呢? 今晚唔洗番屋企, 又食又行街又買嘢🎉😁。 Jenny 本來同囝囝去海灘放紙鳶, 有個囝囝跌落水💦💦, 攪到好狼狽😅。
細細個就會去賺啲外快去買想買嘅嘢。一齊回憶下做過啲乜嘢, 買咗啲乜嘢big ticket items? 人生第一張信用咭碌完咭唔找數, 千祈唔好學。初初獨立又洗錢喺邊度呢? 有咩辦法去curb Impulse spending?🤑🤑
2001年 Jenny 親身目睹 9/11 事件而 Esther 也因為這事件失去了一個工作機會。
19年後的 9/11 也有讓我們感到困擾的事情。但當你有一個會用心傾聽的朋友，互相支持，憂慮會過去，生活會再次充滿希望。