Phir Teri Kahani - A Love Story Podcast: Recent Episodes
MnM Talkies
Unse pehli mulaqaat, ya unki kahi hui woh akhiri baat,
Pyar ka wo adhura kissa, ishq ki ravaani hai,
Pyar ke dhaage mein piroyi hui dil ki baatein,
jo MNM Talkies ko sunani hai,
Bas wahi to... Phir Teri Kahani hai!
‘Phir Teri Kahani: A Love Story Podcast,’ an MnM Original series of heartfelt and relatable tales of love.
Naa ishq thaa, naa mohobaat thi.. Bas Zindagi jeene ki chahat thi..
Mile jab haaton mein haath tumhare.. Zindagi mein bas rahat thi..
Suniye “Lovestoriyan” mein Roshni aur Roshnish ke pyar ka afsana.. Phir Teri Kahani Season 2 ka Episode 12- “Darwaaza".
Apna sab kuchh jo hai jitna, sab haari jaaun.. Jhurriyon wali muskaan pe teri main vaari jaaun..
Zindagi ke us padaav par, jab shareer ka purja-purja jawaab deta hai ...kya usi padaav par ek naya ishq janam le sakta hai?
Suniye “Lovestoriyan” mein Amrit aur Shakuntala ke pyar ka afsana.. Phir Teri Kahani Season 2 ka Episode 11- “Taa-Umr Pyar".
Main kuch tujh-sa ho jaata hoon, tu kuch mujh-si ho jaati hai.. Ishq ka marz hai aisa.. Duniya kuch-si ho jaati hai..
Suniye “Lovestoriyan” mein Amey aur Martina ke pyar ka afsana.. Phir Teri Kahani Season 2 ka Episode 10- “Mehmaan-E-Ishq.”
Unke saath hone bhar se muqammal hota main,
Chupdi roti mil gayi toh karaar ho gaya!
Suniye “Lovestoriyan” mein Prahalad aur Sulochana ke pyar ka afsana.. Phir Teri Kahani Season 2 ka Episode 9- “Tere Mere Sapne.”
Gulaabi shaam, Gulaab ki jhaadi aur woh Laal Diary!
Itne saalon baad bhi, uske chehre par chamakti hai masoomiyat ki laali..
Suniye “Lovestoriyan” mein Kavita aur Kushilav ke pyar ka afsana.. Phir Teri Kahani Season 2 ka Episode 8- “Diary Ke Panne.”
Ek nazar bhar dekha jo humko unne,
Hum uth gaye sabki nazaron mein.
Suniye “Lovestoriyan” mein Ms. Priti aur Apoorv ki pyari si story.. Phir Teri Kahani Season 2 ka Episode 7- “Ishqool.”
Naummeedi ko aksar taal deta hai,
Man jab nayi umeed paal leta hai.
Suniye “Lovestoriyan” mein Manan aur Mugdha ke pyar ka afsana.. Phir Teri Kahani Season 2 ka Episode 6- “Ek Nayi Ummeed.”
Ek prem kahani ruki, us mod par aakar,
Chand ke tukde ko, Tara se mila kar..
Suniye “Lovestoriyan”, Sitaaron ke beech panapta, Vinit aur Tara ke ishq ka afsana.. Phir Teri Kahani Season 2 ka Episode 5: “Sitaaron Ke Paar.”
Mazhabo ki jung mein, mohobbat ki jeet huyi.
Khoon ke badle khoon bahe, yeh kaisi reet huyi?
Suniye “Lovestoriyan”, Mazhabon ke bazaar mein Aman aur Shabana ki mohabbat ka afsana.. Phir Teri Kahani Season 2 ka Episode 4- “Mazhab.”
Kaisa ho agar humare sapne haqeeqat mein badal jaaye?
Ya phir kuch aisa ho ki sitaaron bhari raat mein, koi haath thaamne wala mil jaye..
Suniye “Lovestoriyan”, Nisha aur Alok ke sapno aur haqeeqat ka afsana.. Phir Teri Kahani Season 2 ka teesra episode- “Sapna Ya Haqeeqat.”
Na lafzon ke kaseedon se, na shabdon ki jhaanki se,
Hota hai hai bayaan ishq ka, nazaron ki gustaakhi se..
Suniye “Lovestoriyan” Chhora Ganga Kinaare wala aur French Lady Emma ke pyar ka afsana, Phir Teri Kahani Season 2 ka dusra episode- “Ganga Kinaare”
Ishq ki daastaanein aksar jitni masoom hoti hain, utni hi kashmkash bhari bhi! Khas kar ke tab, jab ishq aur farz ke beech chunna ho, haina?
Suniye “Lovestoriyan” Subedaar Arun aur Amu ke pyar ka afsana, Phir Teri Kahani Season 2 ka pehla episode- “Aag Ka Dariya”
Ishq ki umr nahi hoti, na hi koi daur hota hai. Ishq toh ishq hai, jab hota hai behisab hota hai!
Presenting, Phir Teri Kahani, Season 2: Lovestoriyan
Your heart will flutter and you’ll smile wider, because these are heart-warming tales of love that paint the emotions of love in all hues. Join us as we take a stroll in the lanes of sweet nostalgia of love and rekindle your love for “love.”
Sahir aur Seher ko hona tha saath...
Par ain mauke pe waqt ne haalaat.
Aaj phir se unhein ek hi platform pe le aaya hai waqt,
kya is baar unki ishq ki train pahunch paayegi apne station tak?
Jaan'ne ke liye suniye Phir Teri Kahani ki yeh kahaani- Adhoora Safar!
Airport pe sirf planes nahi ishq ko bhee mil sakti hai ek nayi udaan.
Par afsos kayi baar flights miss hoti hain...
Kya is baar Prateek aur Ritu pakad paayenge apne pyaar ki missed hui flight?
Jaanne ke liye suniye Phir Teri Kahani ka yeh episode - We Met Again!
Janaab, Ishq karein ki kaam karein?
Yeh sawaal kabhi na kabhi kar deta hai hum sabko behaal.
Par agar pyaar se socho toh shayad is sawaal mein khud hi chhipa hai iska jawaab. Kuchh ishq karo, aur kuchhh kaam bhee..yehi balance hai zindagi ka sachcha hisaab
This Valentine's Week, discover the love from the persective of 2 different generations with Aryan, Kanika, Jaideep & Barkha.
Listen to the 2 episodes special of Phir Teri Kahani- "Kuch Ishq, Kuch Kaam".
Janaab, Ishq karein ki kaam karein?
Yeh sawaal kabhi na kabhi kar deta hai hum sabko behaal.
Par agar pyaar se socho toh shayad is sawaal mein khud hi chhipa hai iska jawaab. Kuchh ishq karo, aur kuchhh kaam bhee..yehi balance hai zindagi ka sachcha hisaab
This Valentine's Week, discover the love from the persective of 2 different generations with Aryan, Kanika, Jaideep & Barkha.
Listen to the 2 episodes special of Phir Teri Kahani- "Kuch Ishq, Kuch Kaam".
Saalon baad mile zindagi ke safar mein..
Do bichhde huye humsafar..
Par kya andhera andhere ko door kar sakta hai?
Kya Sumit aur Naina ek doosre ki adhoori kahaani ko complete kar payenge?
Jaanne ke liye suniye.. Safar - the latest episodeof Phir Teri Kahaani...
Jab koi sath chalne ke liye
aapke peeche pada ho na,to zaroori sa ho jata hai
humesha ke liye uske sath ho jaana...Phir Teri Kahani mein
suniye aaj"Ho Gaye Humsafar"
Kehte hain duniya bahut chhoti hai,
Saalon pehle jinke badle the raaste,
Aaj mile hain phir usi jagah,
jahan jiye the pal ek dusre ke vaaste.
Kachchi umra mein jahan hua tha aana,
uss Kasaul ki sardi mein aaj bunenge phir
garma-garam baaton ka taana baana..
Suniye Phir Teri Kahaani mein aaj "Niravana"
Cinema ke do dewaane
Mil rahe hain aaj
Cinema ke hi bahaane
Di ho jaise zindagi ne
Fir ek chhoti si treat
Kya fir baithenge dono
Lekar ke Corner Seat?
Suniye Phir Teri Kahaani
Naman Aur Dimpy ka pyar, kya phir ho paega gulzar?
Saalon pehle ki baat, yaad dilaati ye mulaqaat...
Milenge, rukenge, hasengeaur karenge puraani baat...
Kahenge ek dusre ko alwida, chhupa kar dil ke jazbaat.
Phir Teri Kahaani mein Suniye aaj ki kahaani 'Milte Hain Phir Kabhi'
Saal beetne ke sath,
Mila hai purana sath…
Hui pehli si mulaaqaat,
Dila raha uss waqt ki yaad...
Suniye Phir teri Kahaani mein aaj,
'New year, Old Love'
Zindagi ne liya hai aaj,
phir wahi mod...
kheech laayi hai hume,
purane pyar ki oor...
Suniye Phir Teri Kahaani mein aaj,
'Waqt Ki Dor'.
Kapil aur Sudha, Jinka ek hona
shayad kismat ko manzoor nahi tha
Magar inka aaj iss mod pe milna
shayad pehle se hi tay tha ...
Suniye,
jab mile Kapil - Sudha
jo mil ke phir hue Juda
Magar is mulaqat mein
Kapil ko mili sudha ki nishani
aur yaad aa rahi hai
Phir Teri Kahani !
Kaha jata hai ke ek acche doctor ko kabhi apne patient se zada friendly nahi hona chahiye, but kya ho jab Patient ka ilaj karte karte Doctor hi Mareez-e-Ishq banjaye, aur kya ho jo wo ishq adhura hi reh jaye.. 8 Saal baad Mayank aur Anvita ki mulaqat kya rang lati hai jaane ke liye suniye “Dobara”.
Jab zindagi mein dard to ho
magar humdard na ho,
to usi dard ke sath jeene ki aadat
pad hi jaati hai.
Saalon pehle alag hue Rishi aur Swati
aaj ek bar phir mile hain
Ek dusre ka Humdard banne ko
hongi wo baatein puraani,
aur yaad aegi... Phir Teri Kahani!
Kise pata kab hume humara past,
Hume humare present mein akar mil jaye,
Magar Phir bhi humare kal ki
Humare aaj se hui ye mulaqaat,
aane wala kal badle na badle...
Chehre par ek Muskaan zaroor chhod kar jata hai.
Suniye Phir Teri kahani mein aaj
"Parent Teacher Meeting".
Pyar karna aur pyar ko pana dono alag alag baatein hain.
Jab pyar hota hai na toh kitna bhi pyar mile lagta hai ye bhi Poora hi nahi,
Aur jab yahi pyar zindagi se alag ho jaaye toh lagta hai ki
bas theek hai..."Adhoora hi Sahi"
Suniye Phir Teri Kahani
Jawaan umra mein hui qismat ki aazmaish,
toote the sapne aur hui pyar ki numaish
mile hain aaj phir wo do dil...
ho rahi hai ehsaaso ki azmayish
yaad aa rahi hai 'Phir Teri Kahaani',
aur ho rahi hai "Dard ki Gunjaish"
Har koi pyar ka swad le paaye,
Ye kala seekhna bhi ek kala hai
Kisi ko pyar meetha sa lagti hai
Kisi ko khatti sa
Lekin iss pyar ka swad na jaane kitno ko mila hai “Teekhi Chutney” sa,
Suniye Phir Teri Kahani
“Teekhi Chutney”
Kehte hain zindagi har baar mod leti hai
Koi aisa shakhs apko fir mil jata hai
Jisse aap kisi mod pe chhod ke aage badh aaye the,
Aaj ki kahani paritosh aur Savita ki
Jinke raste aur safar to alag hain magar
“Yaadon ka Ticket” liye dono train pe sawaar aur mod leti hui zindagi aaj unhe phir mila rahi hai..
Suniye Phir Teri Kahani
Pyaar, ye jitna khoobsoorat ehsaas hai na, utna hi besabra
Imtehaan bhi.
Aur isliye MNM talkies apke liye lekar aya hai Pyar ki aisi hi ankahi daastaan!
Diwali ki shubh ghadi pe shuruat karte hain aisi hi ek kahani se
Jo apke dil ko kar degi “Roshan”
Suniye Phir Teri Kahani !