ချင်းပြည်နယ်၊ ပလက်ဝမြို့နယ်၊ ရှင်မဒိန်ကျေးရွာအုပ်စု ကူချောင်းဖျားကျေးရွာနားမှာ တပ်မတော်နဲ့ ရက္ခိုင့်တပ်မတော် AA တို့ တိုက်ပွဲတွေကြောင့် ကူချောင်းဖျားကျေးရွာကနေ ဇဉ်ဘောင်းပြင်ကျေးရွာ စာသင်ကျောင်း လာရောက်ခိုလှုံနေကြတဲ့ ဒေသခံ အယောက် ၆ဝ ဝန်းကျင်ဟာ ကျောင်းဖွင့်ခါနီးပြီ ဖြစ်တာကြောင့် တစ်ခြားနေရာမှာ ပြောင်းရွှေ့နေထိုင်နိုင်ဖို့ ကျေးရွာ တာဝန်ရှိသူတွေက ညှိုနှိုင်းနေကြပါတယ်။ စစ်ဘေးရှောင်တွေကို အကူအညီပေးနေတဲ့ ပလက်ဝမြို့နယ် လူမှုကူညီရေး ပရဟိတအဖွဲ့က တာဝန်ရှိသူတစ်ဦးကို RFA သတင်းထောက် မသီရိမင်းဇင်က ဆက်သွယ်မေးမြန်းထားပါတယ်။