ပြည်တွင်းစစ်ကြောင့် ဆင်းရဲမွဲတေနေရတဲ့ မြန်မာနိုင်ငံမှာ စစ်ဆန့်ကျင်ရေး လှုပ်ရှားမှုတွေကြောင့် တရားစွဲခံရ၊ ထောင်ချခံရတာဟာ ဖြစ်သင့်လားဆိုတာ ဝေဖန်ထောက်ပြနေကြပါတယ်။

ဒီလိုပြည်တွင်းစစ်ရဲ့ဒဏ်ကို တိုင်းရင်းသားဒေသတွေက လူငယ်တွေက မြို့ပြလူငယ်တွေထက် ပိုခံနေရတဲ့အတွက် ငြိမ်းချမ်းရေးလိုချင်တာလို့ Generation Wave အဖွဲ့ရဲ့အတွင်းရေးမှူး မအိအိမိုးက ပြောသလို၊ စစ်နဲ့ဝေးတဲ့မြို့ပြက လူငယ်တွေ၊ တိုးတက်တဲ့ တိုင်းပြည်ကလူငယ်တွေနဲ့အတူ ရင်ဘောင်တန်းနေချင်ကြတဲ့အတွက် စစ်ပွဲတွေရပ်ရုံတင်မကပဲ၊ တကယ့်ကိုစစ်မှန်တဲ့ ထာဝရငြိမ်းချမ်းရေး လိုချင်လို့ ဒီလှုပ်ရှားမှုတွေလုပ်နေတာလို့ ကချင်အမျိုးသမီးသမဂ္ဂရဲ့ စီမံကိန်းတာဝန်ခံ ဆွတ်ဆိုင်းထွယ် ကလည်း ပြောပါတယ်။

RFA ဝိုင်းတော်သား ကိုနေရိန်ကျော် တင်ပြထားပါတယ်။