അധിക നേരമായ് സന്ദര്ശകര്ക്കുള്ള മുറിയില് മൗനം കുടിച്ചിരിക്കുന്നു ഞാന് ജനലിനപ്പുറം ജീവിതം പോലെയി- പ്പകല് വെളിച്ചം പൊലിഞ്ഞു പോകുന്നതും ചിറകു പൂട്ടുവാന് കൂട്ടിലേക്കോര്മ്മ തന് കിളികളൊക്കെപ്പറന്നു പോവുന്നതും ഒരു നിമിഷം മറന്നു പരസ്പരം മിഴികളില് നമ്മള് നഷ്ടപ്പെടുന്നുവോ? മുറുകിയോ നെഞ്ചിടിപ്പിന്റെ താളവും നിറയെ സംഗീതമുള്ള നിശ്വാസവും. പറയുവാനുണ്ട് പൊന് ചെമ്പകം പൂത്ത കരളു പണ്ടേ കരിഞ്ഞു പോയെങ്കിലും കറ പിടിച്ചൊരെന് ചുണ്ടില്ത്തുളുമ്പുവാന് കവിത പോലും വരണ്ടു പോയെങ്കിലും ചിറകു നീര്ത്തുവാനാവാതെ തൊണ്ടയില് പിടയുകയാണൊരേകാന്ത രോദനം സ്മരണ തന് …
The post സന്ദര്ശനം appeared first on ചായില്യം.